CEBU CITY — Gipahibalo ni Cebu City Vice-Mayor Michael Rama nga madayun gihapon ang pagsaulog sa kapistahan sa Sinulog 2021 subay na sa new normal nga pagpuyo.
Matud sa bise-mayor gamay lang ang budget nga ipagawas gumikan sa limitadong mga kalihukan taliwa sa pandemya.
Apan ipatuman sa gihapon ang mga health protocols sama sa pagsul-ob facemask ug faceshield apil na ang physical distancing.
Dugang pa ni Rama nga ipaagi nalang sa pagrecord og video sa ilang lugar ang mga contingents gikan sa ubang probinsya gumikan kay virtual ang ilang presentation.
Gumikan lang, matud pa, sa kalimitado sa pondo, apektado ang papremyo igahin alang sa Sinulog Foundation Inc. dili sama sa naandang selebrasyon.
Samtang, tun-an pa sa Sinulog Committee kung ipadayun ang Sinulog sa SRP, Sinulog sa Kabataan sa dakbayan, ug Sinulog sa Kabataan sa lalawigan sa umaabot. (report by Bombo Jun Salde/ekp/gn)
