Mitala si Jalen Brunson og 30 puntos samtang ang New York Knicks nakabalik gikan sa 14 points nga labaw sa second half aron mapildi ang San Antonio Spurs sa iskor nga 106-95 ug makuha ang 1-0 nga labaw sa NBA Finals.
Ang Knicks star nga si Brunson wala magpadala sa kahadlok sa gamay nga injury sa sinugdanan sa duwa ug nakahatag og kusgan nga comeback aron mahatagan ang New York og maayong sitwasyon sa best-of-seven series.
Ingon man, si Brunson nakalabaw pa sa Spurs superstar nga si Victor Wembanyama pinaagi sa iyang kusgan nga clutch performance sa fourth quarter, diin naka-score siya og 13 puntos sa kataposang bahin sa duwa samtang ang Knicks nakasiguro sa kadaugan ug nakapahilom sa home crowd sa Texas.
Gawas kang Brunson lakip sa upat ka Knicks nga naka-score og doble digit mao sila Karl-Anthony Towns nga naka-18 puntos, OG Anunoby nga naka-17, ug Landry Shamet nga naka-13 puntos.
Nanguna si Wembanyama sa Spurs nga naka-26 puntos, pero dili maayo iyang shooting nga 6/21 lang gikan sa field bisan pa og naka-12 rebounds ug 3 blocks.
Si Stephon Castle naka-17 puntos, samtang si Dylan Harper ug Julian Champagnie naka-16 puntos matag usa.
Ang Game 2 sa serye himuon sa San Antonio.
