Giingong dili gihapon madawat ni New Zealand point guard Corey Webster ang kapildihan sa iyang team human siya ni-post og komento sa opisyal nga Instagram account sa Tall Blacks, ang national team sa New Zealand.
Sa iyang post sa IG, giingong gipaig-an niini ang FIBA referees nga nag-officiate sa duwa human siya miingon nga kinahanglan usab nilang pildihon ang mga referees.
Gireklamo pa sa batikang guard ang giingong ‘home cooking’ nga nahitabo.
Human sa pag-post, daghang Pinoy fans ang nakamatikod sa komento ni Webester apan sa ulahi namatikdan nga gi-delete ang komento sa New Zealand basketball captain.
Matud pa ni Webster, nga lig-on nga team ang ilang nakaatbang ug daghan sa mga players niini ang nag-step up.
Lahi ang pamahayag ni Webster sa iyang komento sa Instagram, butang nga namatikdan usab sa Pinoy basketball fans.
Bisan ang head coach sa New Zealand puno sa pagdayeg sa Gilas nunot sa kadaugan sa national team. Matod ni Coach Judd Flavell, ang Gilas mipakita og maayong away sa tibuok duwa ug daghan sa mga players niini ang nagpalisod sa Tall Blacks.
