CEBU CITY-Plano ni Cebu City Councilor-elect Raul ‘Yayoy’ Alcoseba nga magdusu ug resolusyon sa City Council nga mag-provide sa tanang elementary students sa dakbayan ug libre nga school supplies matag tuig, ingun man nga libre nga hospitalization sa mga bata ug mas baratu nga tambal.
Gibutyag ni Alcoseba nga dili gastu ang paghatag ug libre nga school supplies alang sa mga bata sa dakbayan sa Sugbo gumikan kay ka-usa ra man kini nga pagabuhatun matag tuig.
Dugang pa nga ang mga bata nga ma-admit o operahanan sa Cebu City Medical Center (CCMC) ang giingung i-subsidize sa konsehal.
Sigon ni Alcoseba nga wala kini mabuhat sa mga nakalabay nga konsehal hinungdan nga iyaha kining buhatun kung makalingkud na unya sugud sa Hulyo 1 ning kasamtangan nga tuig.
Samtang, pabor usab kini sa plano ni Cebu City Mayor-elect Edgardo Labella nga pa-umentuhan ang cash assistance sa 75,000 ka mga senior citizen sa dakbayan gumikan kay giingung gamay lang ang P12,000 sa usa katuig. (SBR)
