CEBU CITY – Kritikal ang bago newly elected barangay kapitan sa Barangay Humay-Humay, Guihulngan, Negros Oriental.
Samtang patay ang silingan niini human nga namusil ang mga armadong grupo nga gitoohang miyembro sa New People’s Army.
Giila ang newly-elected barangay chairman nga si Mike Jakosalem ug ang namatay nga silingan ni nga sila si Lenmar Camero Cabasag, 24 anyos, dunay asawa ug residente sa Sitio Tagbacon sa naasoy nga barangay.
Sa pakighinabi sa Bombo Radyo kay Police Senior Supt. Raul Tacaca, ang Provincial Director sa Negros Oriental Provincial Police Office, giingon niini nga nakadawat na og death threat ang kapitan tungod sa giingong dili gusto sa NPA nga mulingkod isip chairman sa maong barangay.
Matud ni Sr/Supt Tacaca nga dili supurtado sa kapitan ang intensyon sa NPA ug gidudahan sa rebeldeng grupo nga kini ang naghatag og impormasyon sa mga pulis sa ilang mga aktibidad.
Una niini, giingong adunay mitawag sa kapitan sa gawas sa iyang balay hinungdan nga migawas kini sa dihang migawas na ang kpitan didto na nagsugod ug pamusil ang rebeldeng grupo.
Dugang pa sa hepe nga nadamay lang sa pamusil ang napatay nga silingan tungod kay gitoohan sa NPA nga sakop usab kini sa kapitan.
Sa karon padayon pa nga gi-imbestigaran sa Negros Oriental PNP ang nahitabong insidente.
