Magpabilin ang kataas nga presyo sa pagpalit sa National Food Authority (NFA) taliwa sa epekto sa mga bagyo nga niigo sa nasod karong panahon sa pagpananom.
Gipasalig ni DA Assistant Secretary Arnel de Mesa,nga importanteng gamiton ang maong buying price aron adunay kompetisyon sa pagpalit sa lokal nga bugas ug dili mapahimuslan sa mga negosyante ang kahimtang sa mga lokal nga mag-uuma nga naapektuhan sa sunodsunod nga mga katalagman, lakip na ang mga dugay nga El Nino.
Hangtod nga wala’y pagbag-o sa estratehiya sa pagpalit sa NFA, magpadayon ang maong presyo.
Dugang gipasalig sa opisyal nga wala pa mahurot ang pundo sa NFA samtang aduna usay surplus nga pundo nga nahabilin sa miaging tuig nga magamit sa pagkakaron.
Base sa price range nga gigamit sa NFA, ang presko o basa nga bugas mapalit gikan sa PHP17/kg ngadto sa PHP23/kg; samtang ang uga ng bugas paliton sa PHP23/kg ngadto sa PHP30/kg.
Sa pagkakaron, matod niya, ang pipila ka post-harvest facilities lakip na ang mga bodega, drying, ug milling facility ang giayo usab, aron gamiton sa bulk rice nga gipalit gikan sa lokal nga mga mag-uuma.
