Gipasalig sa National Food Authority (NFA) sa Negros Oriental nga aduna kiniy kaigo nga rice buffer stocks sa probisya sa higayong adunay katalagman muigo sa pamahayag niini niadtong Sabado, Septiyembre 13, 2025.
Sumala pa ni Emily Diputado, ang OIC Branch Manager sa NFA – Negros Oriental nga ang special roolout sa P20 per kilo rice program kay wala makaapekto sa buffer stocks sa bugas humay sa probinsya.
Gani saysay pa niini nga aduna kini silay 10,000 nga sako sa bugas human nga kaigo sulod sa pito (7) ka adlaw.
Matod pa nga ang mga buffer stocks kay naggikan sa Sugbo nga pasalig niini dili angay kabalak-an nga mahurot ang ilang pundong bugas kay andam kining mupalit sa mga kasikbit nga probinsya.
Ang kasamtangang buffer stock sa bugas sa NFA kay nahimutang sa warehouse niini sa Barangay Pulantubig, Dumaguete City ug giplanohang ibalhin kini sa renovated warehouse sa Guihulngan City.
Ang maong bugas kay gikan sa mga ani sa mga lokal nga mag-umma sa Canlaon City, Ayungon, Bayawan City ug ubang bahin sa Negros Oriental.
