CEBU CITY-Gikahibulong ba ninyo mga ka bombo nganu nga ang mga libod suroy nga walay mga health protective gear sama sa face mask og face shield taliwa niining covid pandemic ang wala hinoon nagkasakit?
Sigon ni Dr. Rene Josef Bullecer, usa ka medical doktor sa dihang nahinabi sa Bombo Radyo Cebu sa tulumanong Zona Libre, subay usab sa ilang pagpanukiduki aning mga matang sa indibidwal nga na-expose na sa mga kagaw, aduna gyud kini sila mga ‘unique’ nga mga mechanisim sa lawas nga makapa-iway nila sa nga sakit ug dili sila mataptan bisan paman og kini sila expose niini.
Gani, dili matud pa kini ma-explain ug maayo sa siyensya apan naa gyud kini unique nga kondisyon diin naka-adapt usab ang ilang lawas nga ma-immune sa sakit.
Subay niini, gibutyag usab sa doktor nga dakong kalamboan o bintaha ang nasud sa Pilipinas taliwa niining covid-19 pandemic sanglit gamay lang ang mortality rate.
