CEBU – Gikatakdang sugdan ang pagdugtong sa Bohol ngadto sa Cebu power grid sa sunod buwan nga maoy usa ka lakang sa kalamboan uban sa National Grid Corporation of the Philippines (NGCP) tali sa duha ka isla.
Matod pa sa NGCP, target nilana masugdan na ang pagbutang sa mga submarine cable sa Hulyo 16.
Gilangkoban ang unang hugna sa mga operasyon sa pagbutang sa tulo ka mga kable gamit ang usa ka dakong barko nga gilauman usab nga mahuman sulod sa usa ka bulan.
Bisan pa, ang tibuuk nga bahin sa pagbutang sa kable nga naglakip sa tulo ka hugna ug ang pag-instalar sa kinatibuk-ang pito ka mga kable gilauman gihapon kini nga mahuman sa sayong bahin sa sunod tuig.
Ang cable laying maoy usa sa upat ka dagkong component sa Cebu-Bohol Interconnection Project (CBIP) nga naglakip usab sa pagtukod og cable terminal stations, overhead lines ug substations.
Matod sa tigpamaba sa NGCP Visayas nga si Betty Martinez, padayon pa sila sa pagkompleto sa CBIP sa Nobiyembre sunod tuig.
Dugang ni Martinez nga sa higayon nga ma-energize na ang CBIP, mamahimo ng main source sa Bohol ang sa Sugbo inay nga sa Leyte.
