CEBU CITY-Patay ang usa ka lalaki samtang samdan ang 2 sab ka lalaki tungod lang sa ngil-ad nga tinutukan nga nakapa-aghat sa usa ka 42-anyos nga ex-convict sa mga istambay sa kilid sa kadalanan sa Sitio Jansen, Barangay Basak San Nicolas ning dakbayan sa Sugbo kagahapong adlawa sa Dominggo, Enero 5, 2024.
Giila ang mga biktimang namatay nga si Roell Capablanca Chua alyas “Ikong”, 33-anyos og lumulupyo sab sa maong dapit.
Samtang ang suspek giilang si Giovanni Aniscal Gabor alyas “Jojo” nga nagpaila sa pangalang “Ramil Abellar”, 42-anyos, ex-convict ug lumulupyo sa Sitio Alaska Proper, Barnagay Mambaling ning dakbayan sa Sugbo.
Subay sa inisyal nga imbestigasyon sa mga sakop sa Mambaling Police Station diin gikatahong naagian sa suspek ang biktima uban sa laing higala niini nga si Rowell Obaob Dignadice alyas “Boboy” nga ex-convict sab nga mga ngil-ad kayo og tinutukan diin naabot s apunto nga nagkatinubagay kini.
Didto na nakapaulbo sa kasuko sa suspek ang mga nilihokan og pamulohang sa mga biktima hinungdan nga mibunot kini sa iyang armas dayon mipusil sa duha kinsa nagka-muritsing og dagan ang mga biktima.
Si alyas Boboy nga nakahulbot sab og armas kay daling mibaws og pagpamusil diin natapsingan ang suspek hangtod nga nagginukdanay kini nga miabot ang binayloay sa bala sa pikas sitio diin didto na nasamdan si Boboy.
Atong sa pagpangita sa suspek sa mga biktima, didto niya nasiplatan si alyas Ikong diin kini gipusil sa makadaghang higayon dayon misibat sa lugar ang suspek sa lugar.
Daling gidala sa tambalanan ang mga biktima apan gideklarang dead-on-arrival si alyas Ikong.
Personal vendetta ang hipunting karon sa mga awtoridad sa maong panghitabo samtang gitutokan sab niini kung impluwensyado ba sa ginadiling drogas ang mga nalambigit sa krimen.
