CEBU CITY-Gipasakahan na og kaso ang 21-anyos nga Nigerian student nga mipatay ug misunog sa iyahang kainom sa Sitio Cadahuan, Barangay Talamban, dakbayan sa Sugbo Oktubre 28 ning tuiga.
Pasakahan og kaso nga murder ang suspek ug kaso nga arson sa Bureau of Fire Protection (BFP).
Gitataw ni Police Major John Marquez, hepe sa Talamban Police Station nga dili maka-uli ang suspek sa ilahang nasud ug dinhi mapriso tungod sa gibuhat nga krimen.
Kahinumduman,nga adunay heated argument ang suspek ug ang biktima human gidunggab niya kini katulo sa tiyan ug gilaslas ang liog.
Gisuwayan usab og tago sa suspetsado ang maong krimen pinaagi sa pagsunog sa lawas sa maong biktima hinungdan nga girespondihan sa BFP ug Barangay Talamban’s Barangay Public Safety Officers (BPSO).
Gitataw nga iyahang nakaila ang biktima nga 26-anyos nga lalaki diin nagtrabaho isip usa ka call center agent ug lumad nga taga Misamis Occidental.
Nasikop ang Nigerian National human kini nakapatay ug misunog sa iyahang kainom ug kasamtangan nga anaa sa Talamban Police Station.
