Gi-deploy sa United States Marine Corps ang Navy-Marine Expeditionary Ship Interdiction System (NMESIS) atol sa Balikatan Exercise 2026 sa Basco, Batanes.
Kini usa ka state-of-the-art, land-based anti-ship missile system nga miapil sa “Maritime Key Terrain Security Operations” (MKTSO) aron mapalig-on ang abilidad sa Pilipinas ug Estados Unidos sa pagdepensa sa estratehikong kadagatan.
Ang mga NMESIS launcher gi-deploy sa nagkalain-laing lugar sa Northern Luzon, lakip ang Batanes Group of Islands, sama sa Itbayat ug Basco, nga nahimutang duol sa Bashi Channel.
Mahimo niini nga targeton ang mga barko sa kaaway gikan sa yuta, nga naghatag og taas nga lebel sa “sea denial” sa mga estratehikong chokepoint.
Ang sistema usab kay air-mobile, buot ipasabot nga madala kini pinaagi sa C-130 Hercules alang sa paspas nga pag-deploy sa nagkalain-laing mga isla.
Una na nga gi-deploy ang NMESIS sa Pilipinas atol sa mga nangaging ehersisyo sama sa Balikatan sa miaging tuig.
