No comment una SI PBBM kalabot sa pagpauli kang Mary Jane Veloso sa Pilipinas

Nagdumili una sa paghatag og detalye si Presidente Ferdinand Marcos Jr., kalabot sa pagpauli sa nasud kang Mary Jane Veloso.

Matud ni Marcos nga giingnan sila sa gobyerno sa Indonesia nga dili una mopagawas bisan unsang pagpahibalo o detalye kalabot sa maong kaso.

Kini hangtud nga dili pa han-ay ang tanang detalye sa sitwasyon ni Veloso.

Dugang sa Presidente nga ilang tahoron ang hangyo sa gobyerno sa Indonesia./

Una nang nipagawas ang kagamhanan sa Indonesia nga wala silay kondisyon nga ipatuman ug gusto nila nga makauli si Veloso sa dili pa ang Pasko.

Sa habig sa kagamhanan sa Pilipinas, particular na ang department of foreign affairs nga miingon nga pabay-an una sila sa pagtrabaho.