CEBU – Gibutyag ni Cebu City Mayor Michael Rama kaarung adlawa Lunes, Septiyembre 5, ang pipila ka kausaban sa iyang Executive Order (EO) nga naghimo sa pagsul-ob og face mask sa outdoors nga ‘non-obligatory’.
Atol sa flag raising ceremony sa City Hall, gipirmahan ni Rama ang EO No. 6 nga adunay mga supplemental provisions sa iyang EO No.
Kung diin ang mga pagbag-o nga sa bag-ong EO naglakip sa pagtakda sa usa ka ‘trial and observation period’ alang sa boluntaryong paggamit sa mga face mask sa mga bukas nga lugar sa lungsod.
Kini nga panahon sa pagsulay ug obserbasyon nagsugod sa Septyembre 1 hangtod Disyembre 31, 2022.
Ang EO No. 6 nagmando usab nga ibalik ang mandatory nga paggamit sa mga face mask sa abling publiko nga mga lugar kung ang lungsod makasinati og laing pagsaka sa mga kaso sa COVID-19.
Kung kahinumduman nga ang lakang sa dakbayan sa Sugbo sa pagtangtang sa mga face mask isip rekisitos sa outdoors niadtong Agosto 31 nakaani og lain-laing reaksyon gikan sa mga stakeholders.
Ilabina na ang Department of Health (DOH), nga nikuwestiyon sa “kakulang sa konsultasyon” nga gihimo sa kagamhanan sa siyudad.
