Noodles nga nakitaan og kemikal, saThailand gigama og dili sa Pilipinas maong luwas sa gihapon kan-on – FDA

CEBU – Luwas ra gihapon nga kan-on ang ubang mga variant sa noodles nga gibaligya sa nasud.

Kini ang pagklaro sa Food And Drug Administration o FDA.

Gipakita sa pagtuon nga pipila ka mga variant sa Noodles product nga nakit-an nga adunay ethylene oxide, gihimo sa Thailand ug dili sa Pilipinas.

Gianunsyo sa FDA nga isip panagana, nakig-alayon na sila sa manufacturer niini sa nasud aron matino ang lebel sa ethylene oxide sa ilang produkto.

Base sa pagtuki sa usa ka independente nga laboratoryo sa Vietnam, walay ethylene oxide nga nakit-an sa pipila ka variant nga gibaligya sa nasod.

Tungod niini, giklaro sa FDA nga luwas ra gihapon nga ka-onon sa publiko ang maong mga variant sa maong noodle brand nga gibaligya o gipang-apod-apod sa nasud.