Mitaliwan na ang film icon nga si Nora Aunor, ang “Superstar” sa Philippine cinema sa edad nga 71 anyos.
Diin ang kamatayon ni Aunor kay gikompirmar sa iyang anak nga si Kristoffer Ian sa social media ning Miyerkules sa gabii, Abril 16, 2025.
Giproklamar nga National Artist for Film and Broadcast Arts kaniadtong 2022 ug gidayeg kini tungod sa iyang halapad nga filmography nga nalabaw lamang sa gidaghanon sa mga awards ug mga citation nga iyang nadawat gikan sa lokal ug international nga mga organisasyon.
Natawo si Nora Cabaltera Villamayor sa Iriga City, Camarines Sur, ug nahimong bida sa pipila ka mga iconic films, lakip ang “Himala” niadtong 1982, “Bulaklak sa City Jail” niadtong 1984 ug “The Flor Contemplacion Story” niadtong 1995.
Niadtong 1976, nakadaog siya og Best Actress honors sa Gawad Urian ug FAMAS sa unang higayon alang sa iyang “Tatlong Taong Walang Diyos”, ug daghan pa nga mga awards.
