Gilimpyohan sa duha ka North Korean delegation ang gilingkuran ni North Korean leader Kim Jong Un human sa kapin sa duha ka oras nga miting niini uban sa Presidente sa Russia nga si Vladimir Putin sa Beijing.
Sumala pa nga ang lingkuranan nga gigamit ni Kim gikatahong gilimpyohan gikan sa likod hangtod sa armrest sa lingkuranan, ingon man ang lamesa ug baso nga iyang giimnan diin ang bisan unsang butang nga makabilin ug bakas sa iyang presensya sa lawak gitangtang usab dayon.
Sumala sa mga intelligence report gikan sa Japan ug South Korea, si Kim nagdala usab sa iyang kaugalingon nga kasilyas sa tren aron mapugngan ang pagkolekta sa kasayuran bahin sa iyang kahimsog.
Ang ingon nga mga lakang dugay nang nahimong bahin sa seguridad ni Kim, bisan sa panahon sa iyang amahan nga si Kim Jong Il.
Ang tumong mao ang pagpugong sa bisan kinsa sa pagkuha sa biological sample nga makapadayag sa sensitibo nga impormasyon mahitungod sa lider sa nasud.
Nasayran nga sa nangaging mga biyahe ni Kim sa gawas sa nasud, nakit-an kini nga nanglimpyo sa mga butang una pa molingkod niini o kaha gihikap.
