Hingpit na nga ni-atras ang tennis superstar nga si Novak Djokovic sa ATP Cincinnati Masters.
Gikumpirmar sa mga opisyal sa torneyo ang desisyon sa 38-anyos nga tennis legend apan wala gipagawas ang hinungdan sa iyang pag-atras.
Ang beteranong tennis star wala pa makaapil sa torneyo sukad sa semi-finals sa Wimbledon, apan nakatakda gihapon siyang moduwa sa US Open, diin magsugod ang main draw karong Agosto 24.
Bisan pa nga wala magduwa sa gikatakda nga torneyo, si Djokovic naggunit gihapon og impresibong 45-12 (win/loss) tournament record sa ATP Masters 1000.
Sa kataposan niyang pagsalmot sa maong torneyo niadtong 2023, iyang napildi ang bata nga si Carlos Alcaraz.
Pipila sa mga tennis stars nga gikatakdang moduwa sa maong torneyo mao sila si defending champion Jannik Sinner, Alcaraz, ug uban pa.
Ang ATP Cincinnati Masters karong tuiga molungtad hangtod Agosto 8.
