CEBU CITY-Nagpabiling hilom ang habig ni Noven Belleza ang singer nga giingong nangrape sa 19 anyos nga usa usab ka local performer.Kini human nga pormal nga gikasohan og kasong rape si Belleza sa Cebu City Prosecutors Office kagahapon.
Matud sa abogado ni Belleza nga si Atty. Lane Villarino nga huwaton nalang nilang maabot sa korte ang kaso ayha pa sila mupahayag sa ilang habig. Sigon pa sa abogado nga dili gusto sa iyang kliyente nga hisgutan ang kondisyon niini. Apan gisiguro usab niini nga gibantayan og maayo si Noven karon sulod sa hospital.
Samtang gidepensaaan usab sa usa sa mga suod nga higala sa biktima nga dili gusto nga hinganlan nga dugay na mag sige og text si Belleza sa biktima kaniadtong kauban pa sila sa competition diin grand champion si Belleza.Matud niini nga nagpakita na kaniadto pa og senyales nga nakagusto si Belleza sa biktima.
Nasayran usab nga gi-adto ang biktima sa producer sa nahisgutang talent show sa national TV para makig-settle apan desidido gyud nga mupasaka og kaso ang biktima.
Nunot niini gibutyag sa abogado sa biktima nga si Atty. Janice Lape nga gipaabot nila karon ang resolusyon gikan sa Cebu City Prosecutors Office sa kaso nga ilang gipasaka kagahapon.
Kahinumduman nga midangop sa buhatan sa Mabolo Police Station, ug gi-reklamo ang biktima nga siya gi-rape ni Belleza niadtoabay nga Dominggo .Nunot niini gipaubos sa medical examination ang biktima ug nagpositibo sa laceration ang kinataw niini. Nasuta pa nga adunay mga bun-og sa lawas ang biktima.
Nasayran dayo lang sa Cebu si Belleza tungod kay guest performer kini sa usa ka concert sa sikat ng komedyante. Kahinumduman nga human sa concert nagkauban pa nga mikaon ug videoke ang suspect ug ang bitima kauban pa ang ilang mga higala.
Giingong gihatud pa sa biktima sa Belleza sa Condo nga gi-estaran niini ug nanginvite sa biktima nga magkape. Wala usab nagduha-duha og sugot ang biktima sanglit niadtong higayona kauban niini ang manager sa suspect. Sulod sa condo giingong migamit ang biktima sa banyo apan sa pag gawas niini nahibulong ang biktima nga wala nay tao sa Condo.
Didto na matud pa gibira ang biktima ni Belleza aron nga buhaton ang gusto niini, giingong misukol ang biktima hinungdan nga naka-angkon kini og bun-og sa iyang lawas.
