CEBU CITY-Napanglantawan ni Col. Gerardo Zamudio sa Armed Forces of the Philippines (AFP) sa Villamor base nga mabuntog na nila ang mga New People Army (NPA) sa tuig 2020.
Kini human usab sa ilang mas gipanghingusgan pa nga information dissemination ilabina ang pagtumaw sa mga indigenous people kun naila sa mga gitawag nga ‘Ati’ (Ayti) kinsang mao matud pay gipaon sa mga NPA sa mga langyaw nga nasud aron nga makakuh og dagko nga fund.
Apan sa kasamtangang gitino ni Zamudio atol sa pakighinabi sa Bombo Radyo Cebu nga ang mag Ati leaders ang dunay nay nakuha nga mga dokumento nga magpamatuod sa mga binuhatan sa NPA kung diin gilibot na niini ang nasud para mapahibaw ang uban pang Ati nga sayop ang pagpang-gawong sa mga NPA kanila.
Dason ni Zamudio nga mitabang usab sila sa pagtransport sa mga Ati leaders kung asa kini nga lugar mu-adto.
Hinungdan nga dako ang pagsalig ni Zamudio nga tungod kay lakip na ang media ug mga private sector nagkahi-usa na sa pakigbatok sa mga NPA, mapukan na kini sila sa labing daling panahon.
Para makagenerate og funds?
Gikompirmar ni Julito Canoy aka ‘Tatay Bom’ kinsang kanhi NPA nga tinood nga gamiton sa mga walhong grupo ang mga lumad o mga Ati aron nga makagenerate of funds kun sa ilang pagpangwarta.
Pagsaysay ni Tatay Bom nga kuhaan matud pa og mga hulagway ang mga lumad nga walay mga sinina ug tsinelas nga dawa sama looy kaayo tan-awon ug ipadala sa gawas nga nasud aron makakuha og kwarta pinaagi sa mga makalolooy nga hulagway sa nga lumad kung diin magtoo ang langyaw nga nasud nga naglisod na ang Pilipinas tungod sa sayop nga pagdumala sa gobyerno.
Gibutyag usab ni Tatay Bom nga pangulohan pa kining pagpangilad sa nga pari, pastor, obispo ug mga madre. Gani ang kasagaran magpaka-aron ingnon lamang nga sakop sa pari ug madre aron sa ilang pagpangwarta.
Hangtud karon padayon gihapon ang siyagit ni Tatay Bom kinsang nabalik na sa sabakan sa balaud nga dili sakto nga mukuyog sa mga walhong grupo tungod kay sayop ang mga gitudlo niini ug dili na usab kini sila magdugay pa tungod na sa kaaktibo sa mga armadong kusog sa nasud.
