CEBU CITY- Nakabsan sa iyang kinabuhi ang usa ka 39-anyos nga babaye, nagtrabaho isip nursing aide, human naligsan sa tank truck sa aksidente sa trapiko nga nahitabo sa may South Road Properties (SRP) sa Brgy. Mambaling, dakbayan sa Sugbo Miyerkules sa gabii, Marso 19, 2025.
Giila ang maong biktima nga si Rubeliz Oyao, 39-anyos ug usa ka nurse aide, kinsa giingon nga Dead on the spot.
Samtang, naangol usab ang drayber sa motor nga kapuyo usab sa maong biktima nga si Glenn Dela Rosa Cohea 45-anyos nga lumulupyo sa Brgy. Agos sa Lapu Lapu City.
Gikan pa ang maong mga nabiktima sa kasal sa manghud sa namatay nga nurse aide sa Carcar City ug dayung pauli na sa dakbayan sa Lapu Lapu City.
Sa insiyal nga imbestigasyon sa Traffic Enforcement Unit sa CCPO nga ang drayber sa maong tanker nga giila sa ngalan nga si Damelito Loro Casas 50 anyos taga Brgy Bongayan Borbon Cebu nagtrabaho sa Petrologistics corporation diin maoy tag iya sa maong truck.
Gikaingong nagpapidpid ang motor sa daplin sa maong dalan og dihang nasaghiran sila sa maong tanker og dayung nahulog ang sakay nga angkas niini nga si Rubeliz og dayung nalatayan sa maong dakong truck.
Matod sa kapulisan nga si Casas niingon nga naamgohan na lang niya ang nahitabo human niya namatngonan nga naligsan niya ang babaye.
Human sa aksidente, mipatim-aw sa police station silang Casas ug Ochoa, kinsa nakaangkon og mga samad.
Sa pagsulat niini nga balita, si Casas gitanggong sa custodial facility sa Traffic Enforcement Unit (TEU) samtang nagpaabot sa pagpasaka og kasong reckless imprudence resulting in homicide with physical injury ug damage to property batok kaniya.(With Reports of Bombo Rocky Lavarez)
