Nagmalinawon ug hapsay ang kinatibuk-ang pagsaulog sa Semana Santa karong tuiga, basi sa pagsusi sa Philippine National Police (PNP).
Sumala ni PNP Chief PGen. Jose Melencio Nartatez Jr., walay natala nga dagkong insidente nga nakaapekto sa kinatibuk-ang pagsaulog sa Kuwaresma.
Matod niya nga ang prayoridad sa kapulisan mao ang luwas nga pagbalik sa mga biyahero human sa kapin usa ka semana nga pagpamalandong.
Subay niini, gipahibalo ni Nartatez nga isip pagpakita sa ilang pasalig sa kaluwasan ug kahusay, dul-an 98,000 ka mga miyembro sa PNP ang magpabilin nga ipadala sa lainlaing mga lugar.
Kini giapod-apod sa lainlaing mga atraksyon sa turista sa nasud, mga sentro sa transportasyon ug bisan sa mga dagkong dalan.
Nunot niini, gipahinumdoman pag-usab sa hepe ang mga motorista nga magpabiling kalmado sa ilang mga pagbiyahe ug likayan ang pagkaylap sa mga insidente sa road rage.
Samtang, ang National Police magpabilin nga alerto aron masiguro nga ang mga motorista adunay hapsay ug malinawon nga pagbiyahe ug nga sila makapauli nga luwas.
