reemptive evacuation sa mga lokal nga kagamhanan sa Sugbo, alang sa pagpangandam sa landfall ni Tropical Depression Wilma sa Central Visayas.
Matud ni OCD-7 Regional Director Joel Erestain, nga nagpatuman sila og preemptive evacuation pinaagi sa pagpakig-alayon sa mga nagkadaiyang Local Disaster Risk Reduction Management Office sa mga lokal nga kagamhanan hilabi na sa mga lugar nga labing naapektohan sa Bagyong Tino og Verbena.
Giangkon ni Erestain, nga kritikal karon sa buhatan ang pag-obserbar sa mga kabukiran gumikan kay sa bukid naggikan ang tubig baha, hinungdan nga hugot nga gibantayan ang tubig uwan nga ibubo ni Wilma.
Dugang usab ni Erestain, nga posible pang mahimong Signal No. 2 ang Tropical Depression Wilma, hinungdan nga hugot ang pagpangandam sa mga lokal nga kagamhanan og gihimug-atan niini nga dili na itugot nga buhatan nga dili makapangandam ang tanan.
Kampanti hinoun si Erestain nga dili susama og uwan nga gidala si Wilma kumpara kang Bagyong Tino, apan dugang niini nga dili gihapon angay mo kompyansa hilabi na sa mga landslide areas og mga kabukiran partikular na sa Talisay og mga lugar sa Habagatang bahin sa Sugbo, aron sa paglikay sa baha.
Gipahimangnoan usab ni Erestain ang publiko, nga mangandam og pagkaon og e-charge ang mga cellphones alang sa possibleng pagkawala sa kuryente.
Kinahanglang usab nga mo sunod ang publiko sa mga pahimangno sa mga lokal nga kagamhanan aron sa paglikay sa mga kadaot.
