Gi-awhag sa Office of Civil Defense Region VII ang publiko nga magpabiling andam batok sa kalamidad, dungan sa pagsaulog sa National Disaster Resilience Month (NDRM) karong buwan sa Hulyo.
Kini ang pahimangno ni Joel Mamon, ang Regional Director sa OCD 7 diin gihimug-atan niini ang kamahinungdanon sa pagka-andam ug ang dinalian nga paglihok sa matag usa aron mamenosan ang epekto sa bisan unsang katalagman nga mahatabo.
Ubos sa tema karong tuiga, gitinguha sa OCD-7 nga mas mapalig-on pa ang kahibalo ug kapasidad sa matag pamilya ug komunidad sa rehiyon sa pag-atubang sa mga katalagman.
Sa mensahe ni Mamon, iyang gipasabot nga ang kalig-on ug kaluwasan sa katawhan nagsugod sa saktong kasayuran ug seryosong pagpangandam sa matag pamilya.
Ingon man nga ang pagtukod og usa ka resilient nga katilingban nagkinahanglan og panaghiusa ug kooperasyon sa matag Pilipino—usa ka mahinongdanong lakang alang sa pagkab-ot sa mas luwas nga ugma ubos sa diwa sa Bagong Pilipinas. via Bombo Rocky Lavarez
