CENTRAL VISAYAS-Nagpabilin gihapon sa “blue alert” status ang Office of Civil Defense samtang nagtubag sa mga panginahanglanon sa mga rehiyon nga apektado sa pagbuto sa Kanlaon volcano niadtong Hunyo 3.
Matud ni OCD spokesperson Director Edgar Posadas nga ang “blue alert” naglangkob sa NDRRMC Operations Center sa Camp Aguinaldo ug sa ilang mga Regional Offices sa Regions 6 ug 7.
Gipasabot ni Posadas, nga ang “blue alert” status nagpasabot nga 50 porsiyento sa mga personnel ug kahimanan andam na alang sa dinaliang deployment.
Dugang niini aron masiguro ang saktong koordinasyon sa National ug Local level, subay sa mando ni Presidente Ferdinand Marcos Jr., Department of National Defense (DND) Secretary Gilbert Teodoro, ug OCD administrator Undersecretary Ariel Nepomuceno.
