Nagpagawas og pasidaan ang Office of Civil Defense (OCD) mahitungod sa posibilidad sa ashfall, human sa pagbuga og abo gikan sa Bulkang Mayon sa Albay.
Sa usa ka post sa Facebook, gipaambit sa Philippine Institute of Volcanology and Seismology (PHIVOLCS) ang usa ka time-lapse nga video nga nagpakita sa pagbuga og abo gikan sa crater sa kinatumyan sa bulkan.
Matod sa ahensya, ang abo miabot sa gitas-on nga 300 metros ibabaw sa crater sa kinatumyan, una kini gidala sa hangin paingon sa amihanan-amihanang-sidlakan.
Ang maong panghitabo nakuha sa mga kamera nga gibutang sa Mayon Volcano Observatory sa Ligñon Hill, sa Mayon Rest House, ug sa Ligao Observation Station.
Gipahayag sa PHIVOLCS nga ang Bulkang Mayon nagpabilin ubos sa Alert Level 2. Hugot nga gidili ang pagsulod sa unom ka kilometro nga Permanent Danger Zone (PDZ) palibot sa bulkan tungod sa nagpadayon nga mga risgo nga dala sa kalihokan niini.
