CEBU CITY-Dako ang pasalamat sa usa ka OFW nga si Chester Morales, sushi Chef sa usa ka japanese restaurant sa Achrafieh,Beirut sa nasud nga Lebanon human nga naluwas siya sa nahitabong pagbuto sa warehouse sa may seaport kagabii.
Matud sa 27 anyos nga OFW, lumad nga taga Biliran, Leyte ug maglima ka tuig na nga nagtrabaho sa Achrafieh sa dihang nahinabi sa Bombo Radyo Cebu nga nangandam kini sa mga sushi orders sa iyang mga customer sa dihang kalit nga dunay pagtay-og.
Dali kining nagtago ilawom sa lamisa apan ang ilang mga customer ang mao matud pa nangaigo sa nawong sa mga miboto nga glass walls sa ilang restaurant. Nanagan usab matud pa kini sa ilang kusina hinungdan nga nagpasag ang dugo sa salog sa naasoy nga kan-anan.
Sa dihang nanggawas na usab kini sila gikan sa restaurant, nakita niini ang mga tao nga nagkadugo na ang mga bisti ug napuno sa mga samad.
Nasayran nga 3 kilometers lang ang gilay-on sa gitrabaho-an ni Morales sa nahitaboan sa pagbuto.Wala pa usab abiso sa karon ang gobyerno sa Beirut ngadto kanila kung unsa ang ilang buhaton.
Sa pagkutlo niining balitaa, sukad kagabii wala pa nakatulog si Morales gumikan sa panghitabo.
Gihuwat usab nila sa karon ang abiso gikan sa ilang employer kung makapadayaon paba sila sa ilang trabaho o ibalhin sila sa laing branch sa kan-anan nga iyang gitrabahoan.
Dugang pa ni Morales nga usa ka oportunidad ang iyang pagtaak sa Lebanon apan sa nahitabo, boot na niining muuli sa Pilipinas. Tambag niini sa iyang kaubanan ug sa samang OFW nga ang kwarta makita ra, mas importante “luwas ka”.
For the actual videos visit this link https://www.facebook.com/SpongeChai/videos/3335892749780052/
ni Chester Morales
