Cebu City-Dakong hagit karon sa Officer incharge sa Pari-an Police Station ang pagdumala sa mga sakop niini hilabi ug pulos tanan bag-o ang 41 ka mga pulis nga maoy gipuli sa 39 ka mga kanhi personnel sa maong police station.
Matud ni Police Sr Inspector Forferio Gbauya Jr nga kasagaran sa iyahang mga tawo karon sa Police station 1 ang dili pa kaayo familiar sa lugar.
Iya pa usab nga gihan-ay ang mamahimo niining personnel kon maoy mahimong haligi sa ilang police station. // Matud niini nga gifinalize pa niya ang specific assignments , deployment ug detail sa mga bag-ong personahe sa police station 1.
Gipasiguro usab niini nga dili na mahitabo karon sa iyahang mga sakop ang nahitabo nga nahitabo sa miaging mga personnel sa maong police station .
Suma pa niini nga dako kaayo ang epekto kanila sa maong panghitabo diin nakapaubos kini sa ilang morale isip mga sakop sa PNP.
Pahimangno na lamang niini sa iyahang mga sakop karon nga magtinarong sa ilang trabaho ug iisa usab ang ilang dungug isip nga tagpanalipod sa katawhan.
Hinuon OIC pa sa pagkakaron ang designation ni Gabuya ug posible nga dunay ibutang nga bag-ong hepe nga maoy magdumala sa police station 1.
