CEBU CITY-Dili kumbinsido ang Pagkakaisa ng Samahan ng mga Tsuper at Opereytor Nationwide (Piston), Cebu nga gumikan sa pag-ataki sa pinakadaku nga oil field sa Saudi Arabia hayan adunay bigtime oil price hike nga ipatuman ugmang adlawa.
Gibutyag ni Piston head Greg Perez sa dihang nahinabi sa Bombo Radyo Cebu nga dili mahimu nga rason ang nahisgutang drone attack sa Saudi Aramco arun nga magpahigayun ug oil price hike gumikan kay iyahang gituhu-an nga adunay pa’y stock ang Pilipinas sa inangkat nga lana.
Matud ni Perez nga bag-u pa lang nahitabu ang pagpamomba sa Saudi hayan imposibli nga ingun ni-ana kapaspas ang pagsaka sa presyo sa lana.
Subay niini, nanawagan si Perez sa mga magbabalaud nga bungkagon ang ‘Oil Deregulation Act’ gumikan kay giingung mao kini ang naghatag ug gahum sa mga oil companies nga ikontrol ang dagan sa presyo sa lana.
Gikabalak-an ni Perez ang gikatakda nga dakung pagsaka sa presyo sa lana gumikan kay siguradu kini nga apektado, dili lang sila nga anaa sa transport sector, inay lakip na unya ang publiko human nga musaka usab ang presyo sa mga palalitun ingun man ang pagsaka na usab sa pletehan.(SBR/FDP)
