-- ADVERTISEMENT --
Nagpagawas og sugyot ang nasod sa Oman nga nagtumong sa pagpaayo sa dagan sa trapiko sa mga sakyanang pandagat sa Strait of Hormuz.
Ang maong lakang gihimo human nag-abot ug nagpulong si Iranian Foreign Minister Abbas Araghchi ug Omani Foreign Minister Sayyid Badr Albusaidi.
Atol sa ilang tigom, gihisgutan sa duha ka opisyal ang usa ka mekanismo nga mosiguro sa luwas nga pag-agi sa mga barko, dungan sa pagpasalig nga dili malapas ang kagawasan sa nabigasyon o freedom of navigation sa maong estratehikong agianan sa dagat.
Nagpabilin karon sa Oman ang Iranian Foreign Minister aron makab-ot ang dugang pa nga mga kasabutan sa maong isyu.
