Gipasalig sa Office of the Ombudsman nga final na ug dili na mausab ang ilang desisyon nga tangtangon si Bureau of Fisheries and Aquatic Resources (BFAR) National Director Demosthenes R. Escoto.
Sa gipagawas nga joint order, wala dawata sa OMB ang motion for consideration ni Escoto niadtong Pebrero 5 sa kasamtangang tuig alang sa iyang pagtaktak sa posisyon tungod sa kasong grave misconduct and conduct prejudicial to the service, ingon man ang pagpasaka og mga kaso sa graft.
Basi sa maong kamanduan, ang OMB magpabilin sa ilang tubag karong Pebrero nga si Escoto permanenteng tangtangon sa puwesto nga bag-o lang nasang-at ug gideklarar nga perpetually disqualified.
Kini nagpasabot nga si Escoto dili na makadagan o makalingkod sa bisan unsang posisyon sa gobyerno.
Ang silot naglakip usab sa pagkanselar sa eligibility, forfeiture sa retirement benefits, ug perpetual disqualification to hold public office.
Samtang, mahinumdoman nga kining mga kaso ni escoto naggumikan sa 2018 nga pagpalit sa mga transmitter ug transceiver alang sa integrated Marine Environment Monitoring System Project Phase II (PHILO Project) sa BFAR.
