Gibasura sa Office of the Ombudsman ang kasong administratiba batok kang kanhi Department of Health (DOH) Sectretary Francisco Duque III kalabot sa gikuwestiyon nga pagpalit sa Covid-19 supplies ug Covid kits nga nagkantidad og P41 bilyon sa tuig 2020.
Hingpit nga gibasura ang mga kasong grave misconduct, conduct prejudicial to the best interest of the service ug gross neglect of duty nga gipahamtang kang Duque niadtong Agosto ning tuiga.
Kini human gitugot sa Ombudsman ang motion for reconsideration ni Duque nga unang gikonbikto sa ahensya ang kanhi opisyal ug laing kaubang akusado niadtong Mayo 6.
Tungod niini, hingpit ng natangtang si Duque sa iyang katungdanan isip DOH Secretary.
Gikuhaan usab siya sa mga benepisyo sa pagretiro ug kanunay nga diskwalipikado sa bisan unsang posisyon o trabaho sa gobyerno.
Samtang niadtong Agusto 5, ang Ombudsman niuyon nga dili na siya mahimong subject sa administrative complaints tungod kay dugay na nga natapos ang iyang termino isip secretary sa ahensya.
