Human nirekomendar ang Department of the Interior and Local Government nga ang Office of the Ombudsman moisyu og preventive suspension order kang Bamban Mayor Alice Guo, si Ombudsman Samuel Martires niingon nga mihatag og suwat ang DILG sa iyaha, apan ang nadawat sa iyang buhatan kay fact-finding report ug wala’y gisulti bahin sa kung unsa ang kinahanglang buhaton.
Dugang pa ni Martires nga wala pirmahi usab ang kopya sa report sa DILG nga ilang nadawat.
Busa ang Ombudsman mohangyo sa DILG sa pagpasaka og reklamo sa tanang gikinahanglang mga dokumento aron ilang masusi ang mga pasangil batok kang Guo.
Kaniadtong Biyernes, si Interior Secretary Benhur Abalos miingon nga ang iyang departamento nagmugna og task force aron susihon ang giingong kalambigitan ni Guo sa ilegal nga kalihokan sa usa ka offshore gaming operator sa Pilipinas sa iyang lungsod.
