Gitinguha sa Ombudsman nga mopasaka og kaso sa Sandiganbayan kabahin sa isyu sa mga anomalosong proyekto sa pagkontrol sa baha sa sunod bulan.
Sa pagrepaso sa gisugyot nga badyet sa Office of the Ombudsman para sa sunod tuig, si Remulla miingon nga posible nga ipasaka ang kaso sulod sa 30 ka adlaw.
Kini may kalabotan sa mga reklamo nga gisang-at sa Department of Public Works and Highways nga naglakip sa mga ebidensya gikan sa Independent Commission for Infrastructure o ICI.
Sa ilang pag-analisar, siya miingon nga maayo ang ebidensya, kinahanglan lang nila nga moagi sa gamay nga ebalwasyon ug mahimo na silang mopadayon sa pasiunang imbestigasyon.
Sa laing interbyu, giinsistir ni Remulla nga adunay mga kongresista nga pasakahan og kaso sa Sandiganbayan.
Gipanglantawan nga usa kanila mao si kanhi Congressman Elizaldy Co.
Dili sigurado ang opisyal kung adunay senador nga mapasakahan ogkaso.
Apan, gipasalig ni Remulla nga ang pagpasaka sa kaso sa Sandiganbayan ipadayon.
