Mipasaka ang Office of the Ombudsman og kasong malversation ug graft charges batk kang kanhi Senador Ramon “Bong” Revilla Jr. ug laing unom ka DPWH Bulacan 1st District Engineering Office executives nga may koneksyon sa P92.8-milyones ghost flood control project sa Pandi, Bulacan niadtong Biyernes, Enero 16, 2026.
Kini ang gikumpirmar ni Assistant Ombudsman Mico Clavano atol sa pakighinabi niini sa mga tigbalita diin matod pa ang mga respondents kay nasuta nga nameke sa mga accomplishment reports, miisyu ug fraudulent billing documents, ug nag-endorse sa disbursement.
Ang kaubang akusado ni Revilla kay naglakip nilang Assistant District Engr. Brice Hernandez, Engr. Jaypee Mendoza, Arjay Domasig, Engr. Emelita Juat, Juanito Mendoza, ug Christina Pineda.
Mipasaka sab ang Ombudsman og urgent motion for special raffle sa mga kaso ug sa immediate issuance of warrant of arrest ug hold-departure order batok sa mga akusado.
Ang mga kaso kay nanukad sa reklamong gipasaka sa National Bureau of Investigation-Bulacan South District Office (NBI-BSDO) human nag ilang imbestigasyon sa proyekto nga na-award niadtong Marso 28, 2025.
Nagtimaan na kini sa ikaduhang hugna sa mga kaso nga gipasaka sa Ombudsman ngadto sa anti-graft court nga may kalabutan sa flood control anomalies.
