Buot mosusi si Ombudsman Jesus Crispin “Boying” Remulla sa mga kwestionableng flood control projects sa Sugbo, ug kini iyang gikabutyag atol sa iyahang pagbisita sa Ombudsman Visayas sa Dakbayan sa Sugbo gahapong adlawa, Agosto 10.
Diin, gikanayon nga ang usa sa mga mamahimong pokus sa iyang pagbisita mao ang mga flood control projects nga natukod sa Dakbayan ug Probinsiya sa Sugbo sulod sa 6 ka tuig, ug ang mga kantidad niini mokabat og dul-an 60 bilyones ka pesos.
Gipasalig ni Remulla nga pagasusihon sa Ombudsman ang tanan nga mga opisyal, contractor, ug kawani sa Department of Public Works and Highways (DPWH), apil na niini ang lifestyle check nga maoy mamahimong basihanan sa pagpasaka og mga kaso sa mga personalidad nga nalambigit niini.
Tungod kay matod niya, bisan paman miabot na sa binilyon ang kantidad sa budget alang sa mga flood control projects sa Sugbo, hangtud sa kasamtangan, padayon ra gihapong gasagubang ang mga katawhan sa grabing pagbaha.
“That should be a lot of money to control the flooding. But apparently, the past months, flooding happened again here in Cebu. So, we have to look at what’s happening. Is it the design? Is it the execution? Or is it just corruption?” matud ni Remulla.
Gidugang pa niya nga adunay 25% sa maong budget nahatag sa mga lugar sa 7th district, samtang 25% niini napunta sa leading contractor nga mao ang Quirante Construction.
Ang pagbisita ni Remulla sa Sugbo kayka kabahin sa pagbisita niini sa Ombudsman offices sa tibuok nasud nga nagtumong sa pagsusi sa mga buhatan gawas sa Metro Manila.
