Gihimakak sa bag-ong gitudlo nga Ombudsman nga si Jesus Crispin ‘Boying’ Remulla, nga gamiton niini ang iyang bag-ong posisyon batok sa kampo sa mga Duterte.
Matod sa bag-ong gitudlo nga Ombudsman, nga dili niini gamiton ang iyang buhatan aron lang gukdon ang mga wala sa kampo sa kasamtangang administrasyon.
Sukwahi kini sa nangaging mga pamahayag sa iyang mga kritiko, sama nila ni Senador Imee Marcos, kinsa nagtuo nga ang iyang motibo sa pagka Ombudsman mao ang pag-atake sa pamilyang Duterte ug sa mga kaalyado niini.
Hinuon, matod ni Ombudsman Remulla, kung giunsa niya pag-atubang ang maong mga alegasyon makita sa iyang mga prayoridad isip kalihim.
Busa, nisaad si Remulla nga dili magamit o mawe-weaponize ang Ombudsman ubos sa iyang pamunoan isip bag-ong opisyal sa buhatan.
Una na usab niini nga gitino, nga sa iyang pagkatudlo isip Ombudsman, iya usab nga ablihan ang isyu sa confidential funds ni Bise Presidente Sara Duterte.
Matod niini, nga iyahang tun-an ang nasangpit nga isyu o kaso nga giatubang sa ikaduhang presidente.
Kahinumduman nga karong bag-o lamang, ang House Committee on Good Governance and Public Accountability nisumiter sa ilang committee report ngadto sa Ombudsman batok kang Bise Presidente Sara Duterte kalabot sa giingong dili hustong paggamit sa pundo sa Department of Education.
