CEBU – Giumol sa Kagamhanan sa Probinsya sa Sugbo ang gitawag og One Cebu Inter-Agency Interdiction Task Force (OC-IATF) nga maoy motutok ug mopatuman sa mga lagda sa pakigbatok sa problema sa ginadiling drugas sa Probinsiya.
Si Cebu Governor Gwen Garcia maoy mangulo o overseer sa task group kauban ang mga regional directors sa PDEA ug Philippine National Police sa rehiyon siyete.
Gibutyag pa ni Garcia nga sa maong programa, hatagan ug pagtagad sa maong task force ang supply reduction’ ug ‘demand reduction’ sa illegal nga drugas ug siguroon niining masunod ang lagda sa balaod para hingpit nga masilotan ang mga drug suspects.
Giawhag usab sa gobernadora ang mga mayores sa lalawigan sa Sugbo nga suportahan ang maong programa sanglit alang man kini sa kaayuhan sa katawhan sa Probinsiya.
Gibaharan nalang ni Garcia ang mga durugista o illegalista nga dili nalang hugawhugawan ang imahe sa Sugbo sanglit dili mag duha duha ang kagamhanan sa Probinsiya ug mga awtoridad sa pagpatuman sa balaud ug sa maong programa aron malikayan ang pagkuyanap sa ginadiling drugas.
