CEBU CITY — Gipatuman na sa Land Transportation Franchising and Regulatory Board (LTFRB)-7 ang “one seat apart” rule alang tanang mga pampubliko nga sakyanan.
Kini pinasubay na sa lakang sa Department of Transportation (DOTR) diin obserbahan na ang social distancing.
Matud ni LTFRB-7 Director Eduardo Montealto nga inihap na lang ang mga pasahero nga mosakay sa PUVs diin maglagyo sila aron kalikayan ang posibleng pagkatap sa coronavirus disease o COVID-19.
Gipasabot ni Montealto nga kinahanglan, katunga sa seating capacity ang makasakay sa jeepney, samtang hangtud unom lang ka pasahero ang makasakay sa tanang V-hire.
Samtang 25 lang ka mga pasahero ang makasakay sa tanang passenger bus pinasubay sa “one seat apart” rule.
Sigon pa usab ni Montealto nga multahan ang kinsang makalapas sa maong lakang diin ma-isyuhan ang driver og citation ticket ug multahan og P5,000.
Mitambag karon si Montealto nga mas maayong tumanon na lang sa mga driver ug operator ang maong lakang aron gawas nga dili masitahan, masiguro pa usab ang maayong panglawas alang sa pamilya.
