Nag-ingun ang Philippine Amusement and Gaming Corporation (PAGCOR) nga ang online gaming maoy usa sa pinakadakong revenue drivers sa gobyerno karong tuiga, nga nag-ingon, bisan pa niana, nga ang mga unregulated nga mga site adunay mga risgo.
Sa usa ka pahayag kaniadtong Miyerkules, ang PAGCOR niingon nga kini nagsumite sa usa ka taho sa House Committee on Games and Amusements, nga ang lisensyado nga sektor sa online gaming nakakuha ug P69 bilyon nga bayad sa lisensya gikan sa Enero hangtod Hulyo ning tuiga lamang, diin sa kinatibuk-an, adunay P41 bilyon gikan sa electronic games (E-Games) samtang ang PHP28 bilyon gikan sa ubang online game ang gitanyag.
Sa gikabutyang ni PAGCOR Chairman ug Chief Executive Officer Alejandro Tengco, ang online gaming nahimong usa ka importante nga tinubdan sa pundo para sa nation-building commitments, lakip na ang suporta sa PAGCOR alang sa edukasyon, pag-atiman sa panglawas, ug community development, tungod sa dako nga potensyal niini.
Dugang ni Tengco nga sa unang pito ka buwan sa 2025, ang online gaming nakaamot ug PHP27.47 bilyones sa nation-building, funding corporate social responsibility (CSR) programs, lakip ang PHP14.72 bilyones alang sa Universal Health Care Law.
Nunot niini, makatabang usab kini sa pagpundo sa pagtukod sa mga school building, socio-civic centers, wellness centers, ug E-Learning hubs, apan nipasidaan si Tengco sa nagkadako nga hulga sa mga ilegal nga online operators nga nagdani sa mga magdudula sa tanang edad nga walay mga panalipod, ug buot niini nga mas palig-onon pa ang pagpatuman sa mga ilegal nga plataporma.
