Dili na ma-access ang mga online gaming apps pinaagi sa e-wallet karong adlawa, Dominggo, Agosto 17, human ang Bangko Sentral ng Pilipinas (BSP) mimando sa ilang pagtangtang sugod sa Sabado sa alas 8 sa gabii aron mapanalipdan ang mga konsumidor gikan sa pagkaadik sa sugal.
Gani pipila ka mga users ang gikalipay ang maong kabag-ohan tungod kay maglibkas kini nila sa problema sa panalapi nga ang kwartang pangsugal magasto sa mga palaliton sa pamilya.
Gani gikabutyag sa nga pipila ka mga pamilya ang naguba tungod sa pagka-adik sa online sugal nga miresulta sa panagbuwag sa mga magtiayon ug uban pa.
Ang e-wallet apps nga GCash ug Maya una nang mipahibalo sa ilang pagsunod sa BSP guidelines sa pagtangtang sa in-app links sa e-gaming platforms sukad niadtong Senate Committee hearing on Games and Amusement niadtong nakalabayng adlaw.
