CENTRAL VISAYAS-Subay sa padayong tinguha sa kalinaw ug kahusay sa rehiyon sa Central Visayas, ang Police Regional Office 7 mipahigayon og nagkdaiyang operasyon batok illegal nga drogas, dili rehistradong mga armas, ug mga kriminalidad sa katapusang semana sa tuig 2024.
Diin sukad Disyembre 22 hangtod 28, nakahipos ang mga operatiba sa kaping 5.3 kilos sa mga ginadiling drogas nga nagkantidad sa dili muminos P36.3-milyones ug ga drug-related paraphernalia sa pagkasikop sab sa 140 ka mga drug personalities.
Sa samang panahon, nakakumpisa sab ang mga kapulisan sa kaping P11,849 sa betting money ug sa pagkasikop sa 156 ka mga indibidwal nga nalambigit sa illegal nga sugal.
Dugang pa nga 11 sa mga most wanted suspects ug laing 61 ka mga wanted individuals ang nadakpan sa implementasyon sa court-issued warrant of arrest.
Nasakmit usab sa mga operasyon ang 60 ka wala marehistro nga armas, tulo ka explosive devices, ug lain-laing klase sa bala.
Kini isip pagpatunghay sa mga komunidad sa umaabot pagsugat sa Bag-ong tuig og selebrasyon sa Sugbo sa Sinulog festivities.
