Gikabutyag ni Senador Panfilo “Ping” Lacson nga usa ka opisyal sa Department of Public Works and Highways (DPWH) ang giingong nangayo og “insertion” o dugang pondo sa 2026 National Expenditure Program (NEP) gikan sa buhatan ni Senate Minority Leader Tito Sotto III.
Sa pakighinabi, si Lacson niingon nga si DPWH Undersecretary Maria Catalina Cabral giingong nanawag sa mga kawani ni Sotto aron mangutana kung gusto ba nila nga mosumiter og mga project proposal nga mahimong isulod sa budget.
Gikompirmar ni Sotto ang maong hitabo ug niinsister nga gibalibaran niya ang maong tanyag, ug wala pa moluwat og pamahayag si Cabral kabahin sa maong isyu
Kalabot niini, nitumaw ang ubang isyu sa DPWH, apil na niini ang mga ghost project nga wala makompirmar ni Cabral sa niaging Senate hearing
Kahinumduman nga si Presidente Ferdinand Marcos Jr., nga 20% sa P545 bilyones nga budget alang sa flood control projects napunta lang sa 15 ka mga kontraktor, lima niini adunay mga proyekto sa halos tanang rehiyon sa nasud, ug tungod niini, gi-postpone sa House appropriations panel ang paghisgot sa gisugyot nga P880 bilyon nga budget sa DPWH alang sa 2025, samtang naghulat sa pagsumite sa errata o kausaban gikan sa ahensya.
