CEBU CITY-Girombo sa kapulisan ug kasundalohan kauban ang mga departamento sa kagamhanan sa syudad sa sugbo alang sa pagpatuman sa executive order number 9 ni Cebu City Mayor Michael Rama, ang Oplan Disiplina diin girombo ang Barangay Pit-os nga nahimutang sa bukirang bahin sa dakbayan.
Matod ni Police Colonel Ireneo Dalogdog, ang hepe sa Cebu City Police Office nga mao usab ang Chairman sa Oplan Disiplina nga ang tanang ordinansa sa dakbayan ang ilang ipatuman kini sama sa obstruction sa kadalanan, traffic rules ang regulations ug uban pa kini haron magpabilin nga hapsay ug malinawon ang matag barangay kung estrikto lang nga tumanon ang mga lagda sa dakbayan.
Gipang bungkag sa Prevention, Restoration, Order, Beautification and Enhancement kun PROBE team ang mga naka ali sa side walk labi na kining usa ka hagdanan nga duol na sa karsada.
Gipang karga ang mga motorsiklo nga gipataka lang sa pag parking nga naka mugna og kahuot sa dagan sa mga sakyanan lakip na sa pag para ang mga motorista nga wala mag helmet, overloading, walay lisensya ug uban pa nga violations.
Gibutyag ni Dalogdog nga kini na ang ika limang barangay nga milusad silag Oplan Disiplina ug sa iyang pag monitor na maintain kini sa mga barangay officials sanglit gitahasan ang mga barangay tanod nga maoy mopatuman sa lagda sa dakbayan.
