Oplan Sutukil sa CPPO nakasakmit og 5.8 million peos nga kantidad sa iligal nga drogas sulod lang sa 2 ka adlaw

CEBU CITY-Mikabat sa 5.8 milyones ka pesos ang kantidad sa iligal nga drugas ang nasakmit sa Cebu Provincial Police Office sa duha ka adlaw pa lang nila nga pagpahigayun ug Oplan Sutokil (Serving Unrelentingly by Targeting Outlaws, Kindless and Lawlessness).

Lakip sa ilahang nakuha ang 60 ka mga walay lisensya nga armas, ‘fully grown’ nga mga marijuana ingun man ang 93 ka mga drug personalities.

Gibutyag ni Police Sr/Supt Edgar Alan Okubo nga malampusun ang ilahang Oplan Sutokil ug gisiguru niini nga magpabiling hugtanun ang CPPO sa pagbantay sa mga iligal nga kalihukan alang sa kahapsay, kalimpyu ug malinawun nga Sugbo.