OPM Band Ben&Ben, nipahibalo sa pagpagawas sa ilang anthology album nga “Nine”

Gipahibalo sa sikat nga OPM band nga Ben&Ben ang pagpagawas sa ilang anthology album nga nag-ulohang “Nine.”

Kabahin kini sa pagsaulog sa banda sa ilang ika-siyam nga anibersaryo.

Sa usa ka pahayag sa ilang opisyal nga mga social media account, gibutyag sa grupo nga opisyal nga ipagawas ang maong album karong Setyembre 24.

Dungan niini, gipakita usab nila ang opisyal nga cover artwork sa album.

Niadtong miaging bulan, gipagawas sa banda ang bag-ong bersyon sa ilang sikat nga kanta nga “Leaves (Reimagined).”

Kahinumduman nga napadayag usab nila ang planong pagbaligya og mga CD ug vinyl edition para sa ilang 2019 debut album nga “Limasawa Street.”