CEBU CITY-Nasikup ang usa ka magtutudlu human nga nasakpan sulud sa lodging house kauban ang 17 anyus nga tinun-an niini sa dakbayan sa Sugbo.
Gibutyag ni Police Captain Armando Labora, hepe sa Parian Police Station nga nangayu kanila ug assistance ang amahan sa biktima human nga mihulga ang 24 anyus nga magtutudlu nga ihagbung sa subject nga English ang iyahang anak kung dili mahitabu ang gustu niini.
Matud ni PCapt Labora nga dali nila nga gipahigayun ang operasyon ug didtu nakita mismo sa mga otoridad nga giduwa-an sa menor de edad ang kinatawu sa maong magtutudlu.Apan bisan pa man niini, gihimakak sa suspek ang maong malaw-ay nga buhat.
Dugang pa sa hepe, basi sa pamahayag sa magtutudlu, giingung nagpamasahe lang kini sa iyahang tinun-an gumikan sa hilabihan nga stress. Apan giangkun sa menor de edad nga adunay nahitabu kanila sa iyahang maestro, butang nga napugus kini sa pagbuhat gumikan sa hulga nga hagbungun kini sa klase.
Nagtingkagul karun ang suspek sa Parian Police Station ug mag-atubang ug kasong adunay kalapasan sa RA 7877 o Anti-Sexual Harassment Act in relation to RA 7610 o Anti-Child Abuse Law. (SR/FDP)
