CEBU – Giduso ni Vice-Mayor Karissa Tolentino-Maxino ang usa ka ordinansa nga magmando sa tanang mga shipping companies sa dakbayan sa Dumaguete sa paggamit sa electronic ticketing system alang sa ilahang mga pasahero ug cargo.
Gibutyag ni Maxino, pinaagi sa maong balaodnon, mopalit na lamang og ticket online ang mga pasahero diin makakunhod usab kini sa face-to-face transaction taliwala sa pandemya.
Apan giklaro sa mayor nga nahimo ang maong balaodnon isip tubag sa problema sa fixers nga namaligya og mas mahal nga presyo sa ticket nga gireklamo na kaniadto sa pipila ka mga pasahero.
Dugang pa ni Maxino nga makatabang usab ang online ticketing system sa maritime safety and security sa mga barko diin mamahimo kining instruminto aron malikayan ang ‘overloading ug overcrowding’.
