Gikatakdang ipatuman ang bag-ong ordinansa sa Cebu City Government mahitungod sa pagpanghatag og libreng school supplies, school uniform, ug pamahaw sa mga tinun-an sa dakbayan.
Matud ni Cebu City Councilor Atty. Reymond Garcia nga adunay gilain nga P500-million nga budget alang niini kung diin 30 porsyento niini para sa mga school suplies, sapatos, ug school uniform samtang 20 porsyento usab ang alang sa ilang pamahaw ug snacks.
Matod pa usab ni Garcia pinasubay ang maong ordinansa sa saad ni Mayor Edgardo Labella dihang nangampanya kini sa nakalabay nga piniliay.
Dugang pa niini nga sa maong ordinansa, wala na matod pay rason nga dili maka skwela ang bata gumikan kay libre nga gipanghatag ang maong hinabang gikan sa Cebu City Government.
Dako usab ang kalipay sa school board kabahin niini diin sa sunod nga school year kini ipatoman.
Makig-alayon usab ang city council sa mga principal kabahin sa mga requirements diin sila na mismo ang mohatag sa hinabang ngadto sa mga estudyante.
Tanan pwede maka-avail sa maong libre basta enrolled lang ang bata sa mga public school sa dakbayan sa Sugbo. (Lahvi Quiñones)
