Mipanaw na ang Oscar-winning producer nga si Jeremy Thomas sa edad nga 77-anyos.
Sumala sa iyang publicist, ang British filmmaker namatay sa iyang pinuy-anan sa Oxfordshire.
Nagtukod si Thomas og karera nga milungtad og lima ka dekada ug nakab-ot ang pag-ila sa tibuok kalibotan.
Lakip sa mga pelikula nga iyang nahimo mao ang “The Last Emperor” ug “Sexy Beast.”
Nakigtambayayong siya sa mga inilang direktor sama nila ni David Cronenberg, Nagisa Oshima, Julien Temple, ug Nicolas Roeg.
Ang iyang pelikula nga “The Last Emperor” nakadaog og siyam ka Academy Awards, lakip na ang Best Picture.
Nagsugod siya sa iyang karera isip film editor, ug ang iyang unang tahas isip producer sa Australian nga pelikula niadtong 1976 nga “Mad Dog Morgan.”
Niadtong 2006, nadawat niya ang pasidungog gikan sa European Film Academy alang sa Outstanding European Achievement in World Cinema.
